Зорилго

UPOAg төсөл нь Сэлэнгэ болон Дархан-Уул аймгийн анхан шатны болон холбооны кооперативуудыг үйлдвэрлэлээс зах зээлд борлуулах хүртэлх бүлгийн органик хангамжийн гинжин холбоо удирдлагын системийг бий болгож, тэдний органик болон бусад хөдөө аж ахуйн, нэмүү өртөг шингэсэн бүс нутгийн бүтээгдэхүүнийг үр дүнтэй борлуулж, амьжиргаагаа тогтвортой сайжруулахад чиглэж байна. Мөн энэ төсөл нь Монгол Улсад органик салбарын хөгжлийг дэмжих таатай орчин бүрдүүлэхэд чиглэсэн үр нөлөөтэй түншлэлийг хөгжүүлэхийн тулд бүс нутгийн болон улсын түвшинд зохицуулалтын бүтэцүүдийг бэхжүүлэх зорилготой.

Тогтвортой байдал

“Төслийн төгсгөлд анхан шатны болон дундын хоршооны оролцоотойгоор органик газар тариаланг хөгжүүлэх талуудын түншлэлийг бий болгож, хамтын баталгаажуулалтын байгууллагаар баталгаажсан шошго тэмдэглэгээ бүхий нэмүү өртөг шингэсэн органик төмс, хүнсний ногоо, зөгийн бал, сүү сүүн бүтээгдэхүүнийг зах зээлд нэвтрүүлж, зах зээлийн тогтолцоог бэхжүүлсэн байна.